Hátíðapotturinn er stuðningur fyrir íslenskar tónlistarhátíðir til þess að bjóða erlendum blaðamönnum til landsins með það að markmiði að koma íslenskum tónlistarhátíðum og tónlist á framfæri og efla alþjóðleg tengsl. Auk blaðamanna geta hátíðir einnig sótt um fyrir þátttöku listrænna stjórnenda eða annarra lykilaðila ef það þjónar því markmiði að koma íslenskri tónlistarmenningu á framfæri. Umsóknarfrestur er til og með 25. mars.

Eyjólfur Ármannsson, samgöngu- og sveitarstjórnarráðherra, hefur úthlutað styrkjum að upphæð 140 milljónum kr. til þrettán fjölbreyttra verkefna til að efla byggðir landsins. Ánægjulegt er frá því að segja að fjögur þeirra verkefna sem hlutu styrkveitingu eru af Norðurlandi vestra.

Fundargerð 119. fundar stjórnar SSNV, 4. mars 2025

Vikuna 3. - 6. mars fór ferðakaupstefnan ITB fram í Berlín. ITB er ein stærsta ferðakaupstefna heims og fagnar 60 ára afmæli á næsta ári. Davíð Jóhannsson, ráðgjafi SSNV á sviði ferðamála, sótti kaupstefnuna og segir hana hafa verið vel sótta með líflegri stemningu.

Með styrk úr Uppbyggingarsjóði Norðurlands vestra hefur nýtt kennsluefni fyrir STEM-vinnubúðir verið þróað, en STEM stendur fyrir science, technology, engineering & math eða vísindi, tækni, verkfræði og stærðfræði. Verkefnið snerist um að búa til aðgengilegar og skýrar kennsluleiðbeiningar fyrir verklegar tilraunir sem hægt er að framkvæma í hvaða skólastofu sem er, óháð sérhæfðum verkgreinastofum.

Opnað hefur verið fyrir umsóknir í Lóu - nýsköpunarstyrki fyrir landsbyggðina. Lóa eru nýsköpunarstyrkir sem hafa það hlutverk að styðja við eflingu byggða og landshluta með nýskapandi verkefnum. Umsóknarfrestur er til og með 30. mars 2025.

Atli Arnarso flutti fyrirlestur þrjú í fyrirlestraröðinni „Forvitnir frumkvöðlar“, sem haldin er á vegum landshlutasamtakanna.

Niall O’Leary, verkefnastjóri Target Circular verkefnisins, kynnti vinnu verkefnisins fyrir verkefnastjórum og frumkvöðlum í Noregi sem hluta af reglulegum stafrænum frumkvöðlafundum, Digital Entrepreneurial Breakfast, með erindi sem bar titilinn Strengthen Lean Startup with Research-Based Methods.

Miðvikudaginn 26. febrúar síðastliðinn heimsóttu fulltrúar stýrihóps stjórnarráðsins um byggðamál ásamt fulltrúum Byggðastofnunar Samtök sveitarfélaga á Norðurlandi vestra SSNV á Hvammstanga. Fundurinn var gagnlegur og fjallaði um margvísleg málefni sem tengjast uppbyggingu og þróun svæðisins.

Dansskóli Menningarfélags Húnaþings vestra átti glæsilega frammistöðu í undankeppni Dance World Cup sem haldin var á stóra sviðinu í Borgarleikhúsinu helgina 21.-23. febrúar. Danshópur skólans hafnaði í þriðja sæti í sínum flokki, sem tryggir hópnum sæti á heimsmeistaramótinu í dansi, Dance World Cup, sem fram fer á Spáni í byrjun júlí. Dansskóli Menningarfélagsins er eitt verkefna sem fengið hefur stuðning úr Uppbyggingarsjóði Norðurlands vestra.