Fyrsti samráðsfundur verkefnastjóra farsældarráðs með öllum innleiðingastjórum farsældar á Norðurlands vestra.
08.04.2025
Innleiðingarstjórar farsældar barna á Norðurlandi vestra og verkefnastjóri farsældarráðs hjá SSNV komu saman í Kvennaskólanum á Blönduósi til fyrsta samráðsfundar síns þar sem farið var yfir stöðu og framgang innleiðingar farsældarlaganna í sveitarfélögum landshlutans.
Á fundinum komu saman innleiðingarstjórar frá sveitarfélögum landshlutans, sem hafa það hlutverk að styðja fagfólk í vinnu sinni með börnum og tryggja að verklag samkvæmt farsældarlögunum sé í samræmi við markmið laganna. Verkefnastjóri farsældarráðsins stýrði fundinum og lagði áherslu á mikilvægi samráðs og samvinnu á milli ólíkra aðila sem koma að málefnum barna.
Frá vinstri: Sara Björk Þorsteinsdóttir verkefnastjóri farsældarráðs hjá SSNV, Sara Lind Kristjánsdóttir félagsmálastjóri A-Hún., Rakel Kemp Guðnadóttir leiðtogi farsældar, fræðslu og ráðgjafar í Skagafirði og Sigurður Ágústson sviðsstjóri félagsþjónustu Húnaþings vestra.
Rætt var meðal annars um hvernig innleiðingin hefur gengið í hverju sveitarfélagi, hvaða áskoranir hafa komið upp og hvaða lausnir hafa reynst árangursríkar. Þá var lögð áhersla á að efla upplýsingaflæði milli sveitarfélaga og stofnana, auka þekkingu fagfólks og tryggja að rödd barna heyrist í ferlinu.
Farsældarlögin, sem tóku gildi árið 2022, miða að því að tryggja heildstæða og samfellda þjónustu við börn og fjölskyldur þeirra. Með lögunum var lögð aukin áhersla á snemmtæka íhlutun, samvinnu milli stofnana og aukna þátttöku barna í ákvarðanatöku sem snertir þeirra líf.
Hér má sjá kynningarmyndband um farsældarlögin: https://www.farsaeldbarna.is/is/farsaeldarlogin
Að fundinum loknum voru lögð drög að áframhaldandi samstarfi og reglulegum samráðsfundum.