Mánudaginn 21. ágúst 2023 kom stjórn SSNV saman til fundar á Teams. Hófst fundurinn kl. 10.00. Mætt voru: Guðmundur Haukur Jakobsson, Einar E. Einarsson, Vignir Sveinsson, Jóhanna Ey Harðardóttir og Katrín M. Guðjónsdóttir framkvæmdastjóri sem ritaði fundargerð. Friðrik Már Sigurðsson boðaði forföll.

Samband íslenskra sveitarfélaga harmar þá stöðu sem upp er komin í málefnum hælisleitenda sem njóta ekki lengur grunnþjónustu skv. breyttum útlendingalögum, tekur sambandið jafnframt undir yfirlýsingu sem Samtök sveitarfélaga á höfuðborgarsvæðinu hafa sent frá sér.

Þriðjudaginn 8. ágúst 2023 kom stjórn SSNV saman til fundar á Teams. Hófst fundurinn kl. 09.30. Mætt voru: Guðmundur Haukur Jakobsson, Einar E. Einarsson, Vignir Sveinsson, Friðrik Már Sigurðsson, Jóhanna Ey Harðardóttir og Katrín M. Guðjónsdóttir framkvæmdastjóri sem ritaði fundargerð.

Sýningin er um konur af erlendum uppruna sem búa í Húnaþingi vestra og miðlar hún sögum 33 kvenna, sem búa í sveitarfélaginu. Konur frá löndunum eins og Taílandi, Litháen, Ungverjalandi, Danmörku, Grikklandi og Makedóníu eru í aðalhlutverki á ljósmyndasýningu á Hvammstanga en þær búa allar í Húnaþingi vestra. Alls er um 33 konur að ræða, sem hafa verið myndaðar. Viðtöl voru líka tekin við allar konurnar og er hugmyndin að setja myndirnar og viðtölin saman í eina bók.

Sunnudaginn 20. ágúst næstkomandi verður Beint frá býli dagurinn haldinn hátíðlegur á sex stöðum á landinu í tilefni af 15 ára afmæli Beint frá býli. Á Norðurlandi vestra verður haldið upp á daginn á Stórhóli sem er staðsettur í fyrrum Lýtingsstaðahreppi í Skagafirði hjá Sigrúnu Helgu Indriðadóttur og Þórarni Guðna Sverrissyni

Í tilefni að 15 ára afmæli Beint frá býli mun verða blósið til afmælishátíðar um land allt. Við hér á Norðurlandi vestra tökum heldur betur þátt og bjóðum til afmælishátíðarinnar á Stórhóli í Skagafirði, þar sem gestgjafinn er Sigrún Helga Indriðadóttir, bóndi og handverkskona. Metþátttaka er í okkar landshluta af bændum og handverksfólki sem eru öll að gera eftirtektarverða hluti í vöruþórun beint frá býli. Nánar dagskrá og upplýsingar þegar nær dregur. En takið daginn frá og við sjáumst í Skagafirði hjá Sigrúnu Helgu.

Spennandi starf í Skólabúðum UMFÍ í Reykjaskóla Möguleiki er á að starfsmaðurinn fái húsnæði á staðnum. Nánari upplýsingar veitir Sigurður Guðmundsson forstöðumaður skólabúðanna, siggi@umfi.is

Það er ánæjulegt að sjá hversu mörg verkefni sem hlutu styrk úr Uppbyggingasjóð Norðurlands vestra 2023 eru komin vel á veg. Á undanförnum árum hefur umsækjendum í sjóðinn fjölgað og verkefni eflst.

Foodsmart Nordic fékk styrk úthlutun Sóknaráætlunar Norðurlands vestra, Uppbyggingarsjóðs 2023 að upphæð 3 milljónir og 120 þúsund í vöruþróun og markaðssetningu á Sæbjúgu sem fæðubótar- og bragðefni. Foodsmart Nordic framleiðir hágæða fæðubótaefni úr íslensku sjávarfangi sem áður fyrr fór forgörðum. Félagið sér mikil tækifæri í framleiðslu á hágæða fæðubótarefnum úr íslenskum hráefnum í samstarfi við önnur fyrirtæki í matvælaiðnaðinum. Stefnt er að því að framleiða 150 tonn af endanlegum afurðum í þessum fyrsta áfanga fyrirtækisins á Blönduósi og verður framleiðslan gæðavottuð til útflutnings.

Mikilvægt plagg fyrir framtíðina, en vinnan rétt að byrja.