Ratsjáin fer af stað í janúar 2025 – Skráning hafin!

Nú er tækifærið til að taka þátt í Ratsjánni 2025, þróunarverkefni fyrir stjórnendur í ferðaþjónustu sem vilja efla getu sína og auka samkeppnishæfni í átt að sjálfbærni og nærandi ferðaþjónustu. Fyrsti kynningarfundurinn fer fram 9. september nk og er kjörið tækifæri fyrir ferðaþjóunustufyrirtæki hér á Norðurlandi vestra!

Helstu dagsetningar:

• Umsóknarfrestur: 17. janúar 2025

• Kynningarfundur (Kick-off): 15. janúar 2025 í Reykjavík á Ferðaþjónustuvikunni

• Verkefnið hefst formlega: 28. janúar 2025

• Lokaviðburður: 3. apríl 2025 á Akureyri

Hvað bíður þátttakenda?

• Fimm lotur með áherslu á sjálfbærni og nærandi ferðaþjónustu.

• Aðgangur að sérstöku vinnusvæði á netinu þar sem þátttakendur fá fræðslu og taka þátt í verkefnum.

• Vinnustofur á netinu þar sem unnið er með jafningjarýni og umræður í hópum.

• Aðgangur að leiðsögn og stuðningi frá sérfræðingum í ferðaþjónustu.

Verð og stuðningur:
Þátttökugjald er aðeins 15.000 krónur á fyrirtæki, og hægt er að nýta starfsmenntasjóði til að mæta kostnaði.

Markmið verkefnisins:
Ratsjáin 2025 leggur áherslu á að efla sjálfbærni í íslenskri ferðaþjónustu í samræmi við stefnu stjórnvalda um að gera Ísland að leiðandi landi í sjálfbærri þróun. Með Ratsjánni gefst fyrirtækjum einstakt tækifæri til að byggja upp þekkingu og hæfni sem skilar sér í aukinni verðmætasköpun og sterkari rekstri.

Hvernig skrái ég mig?
Það er einfalt að skrá sig! Smelltu á umsóknarformið hér til að fylla út umsóknina og tryggja þátttöku fyrir 17. janúar 2025.

Ekki missa af þessu tækifæri til að taka þátt í Ratsjánni 2025 og vera hluti af framtíðarsýn íslenskrar ferðaþjónustu! Taktu þátt í Ratsjánni 2025!

Ratsjáin er ákveðið verkfæri ætlað stjórnendum í ferðaþjónustu og tengdum greinum sem vilja auka hæfni sína og getu í rekstri. Umsóknarfrestur er 17. janúar og verkefnið hefst með "Kick off" kynningarfundi fyrir þátttakendur 15. janúar í Reykjavík í Ferðaþjónustuvikunni. Ratsjáin hefst svo formlega 28. janúar og lýkur 3. apríl með lokaviðburði á Akureyri.

Íslenski ferðaklasinn hefur gert samning við Menningar- og viðskiptaráðuneytið um að nýta Ratsjánna í þeim tilgangi að efla fyrirtæki í ferðaþjónustu í átt að aukinni sjálfbærni og nærandi ferðaþjónustu. Samningurinn er liður í aðgerðaáætlun stjórnvalda til að innleiða stefnu og framtíðarsýn fyrir íslenska ferðaþjónustu sem gengur út á að vera leiðandi í sjálfbærri þróun.

Dagskráin er miðuð að sjálfbærni og nærandi ferðaþjónustu (e. sustainable and regenerative tourism) og samanstendur af 5 lotum. Þátttakendur fá aðgang að fræðslu og verkefnum inni á lokuðu vinnusvæði Ratsjánnar og vinnustofum á netinu þar sem markmiðið er að fá jafningjarýni, endurgjöf og umræður í hópum.

Grunnstef og hugmyndafræði Ratsjánnar gengur útá að efla samkeppnishæfni og auka verðmætasköpun í íslenskri ferðaþjónustu. Þátttökugjald í Ratsjána í upphafi árs 2025 er 15.000 kr á fyrirtæki. Hægt er að nýta starfsmenntasjóði á móti greiðslu.

“Tækifæri til sóknar á forsendum samfélaganna sjálfra hafa aldrei verið eins mikil og aðkallandi. Með Ratsjánni munum við styðja við og standa saman að því að íslensk ferðaþjónustufyrirtæki verði fremst í heimi þegar kemur að sjálfbærni og nærandi viðskiptaháttum þar sem unnið er að sátt og jafnvægi milli tilgangs og tekna. Sameiginlega tökumst við á við áskoranirnar framundan og saman munum við fagna komandi sigrum.” (Ásta Kristín Sigurjónsdóttir, Íslenski ferðaklasinn).