Fundargerð 51. fundar stjórnar SSNV, 17. janúar 2020.

SSNV kallar eftir tilnefningum til framúrskarandi verkefna á Norðurlandi vestra á árinu 2019. Um er að ræða nýjung í starfinu en viðurkenningin verður framvegis veitt á úthlutunarhátíð Uppbyggingarsjóðs Norðurlands vestra.

SSNV er þátttakandi í Norðurslóðaverkefni sem kallast Digi2Market. Verkefninu er ætlað að taka á ýmsum áskorunum sem fyrirtæki á jaðarsvæðum kunna jafnan að glíma við, svo sem smæð markaðar, fjarlægð frá markaði og einangrun. Lagt er upp með að aðstoða 10 fyrirtæki á Norðurlandi vestra við að auka þekkingu sína á stafrænni tækni til markaðssetningar.

Samgöngu- og sveitarstjórnarráðherra hefur staðfest tillögur valnefndar um verkefnastyrki vegna fjarvinnslustöðva sem veittir eru á grundvelli stefnumótandi byggðaáætlunar fyrir árin 2018-2024. Markmiðið með framlögum vegna fjarvinnslustöðva er annars vegar að koma opinberum gögnum á stafrænt form og hins vegar að fjölga atvinnutækifærum á landsbyggðinni.

Feykir stóð fyrir kjöri á manni ársins á Norðurlandi vestra. Sigurður Hansen í Kringlumýri í Blönduhlíð hlaut flest atkvæði og ber því titilinn Maður ársins á Norðurlandi vestra.

Yfirlýsing stjórnar SSNV vegna veðurs

Stjórn og starfsfólk Samtaka sveitarfélaga á Norðurlandi vestra óskar íbúum á Norðurlandi vestra gleðilegra jóla.

Hlaðvarp SSNV í jólafrí

Starfshópur um framtíðarskipan úrgangsmála á Norðurlandi hefur verið að störfum síðasta árið eða svo. Er um samstarfsverkefni SSNV og Eyþings að ræða. Starfshópurinn hefur verið að skoða stöðu og möguleika varðandi þennan mikilvæga málaflokk í landshlutanum.

Skrifstofur SSNV lokaðar í dag og á morgun