Farskólinn í samstarfi við SSNV og Stéttarfélögin; Ölduna, Verslunarmannafélag Skagafjarðar, Sameyki, Samstöðu og Kjöl býður íbúum Norðurlands vestra á fimm gerðir fjarnámskeiða sem öll verða haldin fyrir páska. Námskeiðin eru sniðin að aðstæðum sem við öll búum við á þessum fordæmalausu tímum og geta vonandi nýst íbúum svæðisins. Þessi námskeið eru öllum opin og gjaldfrjáls fyrir alla íbúa svæðisins. Það er von okkar allra sem að þessu stöndum að þetta nýtist og þið hafið gagn og gaman af.

Vakin er athygli á því að sjálfstætt starfandi einstaklingar geta nýtt sér úrræði laga um minnkað starfshlutfall hafi þeir tilkynnt skattayfirvöldum um samdrátt í rekstri.

Starfsmenn SSNV eru til þjónustu reiðubúnir.

SSNV hefur tekið saman upplýsingar um þau úrræði og aðgerðir sem kynnt verða af hálfu ríkisins vegna þeirra efnahagsáhrifa sem Covid-19 heimsfaraldurinn hefur.

Ráðherra ferðamála hefur gefið út reglugerð sem heimilar Ferðamálastofu að taka tillit til aðstæðna tryggingarskyldra aðila vegna Covid-19 faraldursins og áhrifa hans á íslensk ferðaþjónustufyrirtæki við útreikning tryggingafjárhæðar.

Samtök sveitarfélaga á Norðurlandi vestra og Hátæknisetrið á Sauðárkróki hafa gengið frá samningi um stuðning samtakanna við rekstur FabLab aðstöðu á Sauðárkróki. Er verkefninu ætlað að efla nýtingu grunnskóla á starfssvæði samtakanna á aðstöðunni í kennslu.

SSNV vill hvetja alla þá aðila sem sinna mennta- og menningarstarfi á Norðurlandi vestra að skoða möguleika á að finna leiðir til að létta íbúum landshlutans og landsmönnum öllum lífið næstu vikurnar og hugsa út fyrir boxið í þeim efnum.

Núverandi aðstæður í samfélaginu geta sett styrkhöfum ýmsar skorður við framkvæmd sinna verkefna á næstu vikum og mánuðum.

Skrifstofu SSNV á Hvammstanga hefur verið lokað fyrir gestakomum. Starfsmenn sem þar eru staðsettir eru sem fyrr boðnir og búnir til að veita þjónustu en nú aðeins í gegnum síma og tölvu.