Pokasjóður verslunarinnar var stofnaður árið 1995 og frá þeim tíma hefur sjóðurinn úthlutað samtals 3.000 milljónum til margvíslegra verkefna um land allt. Nú, 26 árum síðar er hins vegar komið að leiðarlokum og af því tilefni hefur verið ákveðið að auglýsa eftir umsóknum um styrki sem afhentir verða á árinu 2021. Umsóknarfrestur er til 12. apríl 2021.

Í vikunni skrifaði SSNV undir samstarfssamning við Nýsköpunarvikuna. Nýsköpunarvikan verður haldin þann 26. maí til 2. júní næstkomandi. Með þátttöku SSNV er ætlunin að vekja athygli á nýsköpun sem á sér stað í landshlutanum, meðal annars innan stofnana, fyrirtækja og sprotafyrirtækja. Ætlunin er einnig að kynna þann stuðning sem er í boði fyrir frumkvöðla á Norðurlandi vestra.

Þann 1. febrúar sl. var opnað fyrir styrkumsóknir vegna svæðisbundinnar flutningsjöfnunar. Styrkurinn er ætlaður til að jafna flutningskostnað framleiðenda sem staðsettir eru fjarri innanlandsmarkaði eða útflutningshöfn og búa við skerta samkeppnisstöðu vegna hærri flutningskostnaðar en framleiðendur staðsettir nær markaði. Umsóknarfrestur er til 31. mars nk.

Samráðsfundur um stöðu samgöngumála

Tuttugu styrkir til Norðurlands vestra

Textílmiðstöð Íslands og Nýsköpunarmiðstöð Íslands halda Ullarþon daganna 25. - 29. mars nk. Verkefnið er styrkt af Framleiðnisjóði Landbúnaðarins.

Opnað hefur verið fyrir skráningu í lausnarmótið Hacking Norðurland sem fer fram dagana 15. - 18. apríl. Markmið lausnarmótsins er að virkja skapandi og lausnamiðaða hugsun og styðja við nýsköpun og fjölgun atvinnutækifæra á svæðinu.

Nýr þáttur af hlaðvarpinu Fólkið á Norðurlandi vestra er kominn út. Viðmælandi þáttarins að þessu sinni er grafíski hönnuðurinn Ólína Sif Einarsdóttir.

Sjö landa hakkaþon NORA 2021 verður haldið 19.-21. mars. Þátttakendur skulu vera á aldrinum 18-35 ára. Þátttaka er ókeypis. Frestur til að skrá sig rennur út mánudaginn 15. mars.