Samkvæmt nýsamþykktum lögum frá Alþingi um breytingu á ýmsum lögum til að mæta efnahagslegum áhrifum heimsfaraldurs kórónuveiru geta launagreiðendur sótt um frest á skilum á allt að þremur greiðslum.

Atvinnuvega- og nýsköpunarráðuneytið auglýsir eftir umsóknum um styrki til verkefna og viðburða á málefnasviðum ferðamála-, iðnaðar- og nýsköpunarráðherra og sjávarútvegs- og landbúnaðarráðherra. Umsóknarfrestur er til og með 27. apríl 2020.

Samtök sveitarfélaga á Norðurlandi vestra, í samstarfi við Nýsköpunarmiðstöð Íslands, stóðu fyrir vinnustofum á netinu fimmtudaginn 2. apríl. Efni vinnustofanna var hvernig auka má sölu í gegnum netið.

Miðvikudaginn 1. apríl 2020 kl 13.00-16.30 var blásið til vefráðstefnu um úrgangsmál í breiðum skilningi. Hægt er að nálgast erindi ráðstefnunnar ásamt upptöku á heimasíðu SSNV.

Það þarf ekki að hafa mörg orð um ástandið þessa dagana og vikurnar. Eins og Víðir segir þá virkar ekkert í samfélagi okkar nú eins og það virkar alla jafna. Ekki er hægt að segja til um hversu lengi það ástand varir.

Miðvikudaginn 1. apríl 2020 kl 13.00-16.30 verður blásið til vefráðstefnu um úrgangsmál í breiðum skilningi. Er ráðstefnan lokahnykkurinn á störfum starfshóps Samtaka sveitarfélaga á Norðurlandi vestra og Samtaka sveitarfélaga og atvinnuþróunar á Norðurlandi eystra sem hafði til skoðunar framtíðarskipan úrgangsmála á Norðurlandi. Ráðstefnunni verður streymt á netinu.

Spurningar og svör um framkvæmd vegna launagreiðslna í sóttkví

Farskólinn í samstarfi við SSNV og Stéttarfélögin; Ölduna, Verslunarmannafélag Skagafjarðar, Sameyki, Samstöðu og Kjöl býður íbúum Norðurlands vestra á fimm gerðir fjarnámskeiða sem öll verða haldin fyrir páska. Námskeiðin eru sniðin að aðstæðum sem við öll búum við á þessum fordæmalausu tímum og geta vonandi nýst íbúum svæðisins. Þessi námskeið eru öllum opin og gjaldfrjáls fyrir alla íbúa svæðisins. Það er von okkar allra sem að þessu stöndum að þetta nýtist og þið hafið gagn og gaman af.

Vakin er athygli á því að sjálfstætt starfandi einstaklingar geta nýtt sér úrræði laga um minnkað starfshlutfall hafi þeir tilkynnt skattayfirvöldum um samdrátt í rekstri.