23. ársþing SSNV var haldið í Félagsheimilinu á Blönduósi 16. október sl. Á þinginu voru samþykktar fjölmargar ályktanir er varða daglegt líf íbúanna á Norðurlandi vestra, s.s. um atvinnumál, samgöngumál, félagsþjónustu og heilbrigðismál, menntamál o.fl. Þá voru samþykktar breytingar á lögum og þingsköpum samtakanna. Einnig var samþykkt að leggja allt að 25 millj. kr. í markaðs- og kynningarmál fyrir landshlutann. Á þinginu var tilkynnt um ráðningu Björns Líndals Traustasonar í stöðu framkvæmdastjóra SSNV en hann tekur til starfa 15. nóv. nk.

Samkvæmt ákvörðun Alþingis úthluta atvinnuvega- og nýsköpunarráðuneyti, mennta- og menningarmálaráðuneyti, umhverfis- og auðlindaráðuneyti og velferðarráðuneyti styrkjum af safnliðum ráðuneytanna. Styrkir eru veittir til félaga, samtaka, fyrirtækja eða einstaklinga eftir því sem við á hjá hverju ráðuneyti. Umsóknarfrestur er til kl. 16:00 þriðjudaginn 10. nóvember 2015.

Stjórn SSNV hefur ráðið Björn Líndal Traustason sem framkvæmdastjóra SSNV og tekur hann til starfa 15. nóvember nk.

Norðurslóðaáætlunin (NPA) styrkir samstarfsverkefni a.m.k. þriggja aðildarlanda, löndin innan NPA eru Ísland, Grænland, Færeyjar, Noregur Svíþjóð, Finnland, Írland, Norður-Írland og Skotland.

23. ársþing SSNV verður haldið í Félagsheimilinu á Blönduósi 16. október nk. Þingið sækja 30 fulltrúar sveitarfélaganna á Norðurlandi vestra, stjórn SSNV, stjórnendur sveitarfélaganna og gestir.

Þann 6.október sl. kynntu Ragnheiður Elín Árnadóttir ráðherra ferðamála og Grímur Sæmundsen formaður Samtaka ferðaþjónustunnar nýja ferðamálastefnu.

Umsóknarfrestur vegna vegna úthlutunar um styrki til uppbyggingar á ferðamannastöðum árið 2016 er til kl. 15:00 16. október 2015. Sjá nánar á heimasíðu Ferðamálastofu.

Opnað verður fyrir umsóknir í Átak til atvinnusköpunar laugardaginn 5. september og verður umsóknafrestur til kl. 12 á hádegi mánudaginn 28. september.

Framkvæmdastjóri Samtaka sveitarfélaga á Norðurlandi vestra Samtök sveitarfélaga á Norðurlandi vestra (SSNV) auglýsa eftir framkvæmdastjóra. SSNV er þjónustu- og samstarfsvettvangur sveitarfélaganna á Norðurlandi vestra og sér um mikilvæga sameiginlega málaflokka og hagsmunamál sveitarfélaga á starfssvæðinu. Verkefni SSNV eru fjölbreytt og snúa að hagsmunum svæðisins, atvinnuþróun og rekstri sameiginlegra verkefna sveitarfélaganna sem að því standa. Höfuðstöðvar SSNV eru á Hvammstanga.

Sextíu og fimm milljónir í styrki til menningar, atvinnuþróunar og nýsköpunar