Listaskóli unga fólksins

Samtök sveitarfélaga á Norðurlandi vestra (SSNV) hafa samið við Katie Browne, MFA Writing & Integrated Media, um að kanna möguleika á og koma með tillögur að framkvæmd listaskóla fyrir ungt fólk á Norðurlandi vestra.

Markmiðið með verkefninu er að efla þekkingu og færni í listum og skapandi greinum hjá áhugasömum börnum og unglingum í landshlutanum með því að veita þeim tækifæri til að styrkja kunnáttu sína og hæfileika á þessu sviði.

Þegar verkefninu er lokið er gert ráð að fyrir liggi mótuð hugmynd að listaskóla fyrir ungt fólk á Norðurlandi vestra. Niðurstöður verkefnisins verða öllum aðgengilegar og gætu því áhugasamir aðilar í framhaldinu hugað að stofnun listaskóla á svæðinu.

Katie Browne kemur til með að leita til íbúa Norðurlands vestra vegna viðhorfs- og áhugakönnunar og vonumst við til að verkefnið hljóti góðar viðtökur.