Skagafjörður óskar eftir verkefnastjóra og leiðtoga stafrænnar þróunar

Verkefnastjóri

Skagafjörður óskar eftir að ráða drífandi einstakling í starf verkefnastjóra, sem heyrir undir sviðsstjóra stórnsýslu- og fjármálasviðs. Um er að ræða 100% starfshlutfall og æskilegt er að viðkomandi geti hafið störf sem fyrst. Verkefnastjóri vinnur m.a. að skilgreindum verkefnum fyrir atvinnu-, menningar- og kynningarnefnd með það að markmiði að þróa áfram ákveðin verkefni sem eru til þess fallin að stuðla að uppbyggingu, nýsköpun og framþróun í sveitarfélaginu. Starfinu fylgja mannaforráð.

Helstu verkefni og ábyrgð:

• Ráðgjöf og framþróun verkefna á sviðum atvinnu- og ferðamála, s.s. stuðning við frumkvöðla og nýsköpun, vinna við greiningu innviða og stefnumótun, auk samskipta við aðra opinbera stjórnsýslu eftir ákvörðun yfirmanna.
• Ýmis starfsemi á sviði menningarmála, utanumhaldi viðburða, kynningu og markaðssetningu á starfsemi sveitarfélagsins.
• Viðhaldi og þróun heimasíðna og samfélagsmiðla á vegum sveitarfélagsins.

Þekkingar- og hæfnikröfur:

• Háskólamenntun sem nýtist í starfi.
• Farsæl reynsla af markaðs- og kynningarmálum.
• Framúrskarandi færni í mannlegum samskiptum.
• Frumkvæði, jákvæðni og metnaður í starfi.
• Skipulagsfærni og sjálfstæði í vinnubrögðum.
• Framúrskarandi tölvukunnátta og þekking á upplýsingatækni.
• Þekking á opinberri stjórnsýslu er kostur
• Þekking og reynsla af rekstri og áætlanagerð kostur.
• Gott vald á íslensku og ensku í ræðu og riti.
• Almenn ökuréttindi.

Nánari upplýsingar hér

Leiðtogi stafrænnar þróunar

Skagafjörður óskar eftir að ráða framsækinn einstakling í starf leiðtoga stafrænnar þróunar hjá sveitarfélaginu. Um er að ræða 100% starfshlutfall og er æskilegt að viðkomandi geti hafið störf sem fyrst. Leiðtogi stafrænnar þróunar er leiðandi í innleiðingu nýrra tæknilausna og starfsfólki sveitarfélagsins til stuðnings og ráðgjafar um tækninýjungar og stafrænar lausnir. Einnig mótar leiðtoginn stefnu og framtíðarsýn í samræmi við áherslur sveitarfélagsins í stafrænum innviðum. Leiðtogi stafrænnar þróunar heyrir undir sviðsstjóra stjórnsýslu- og fjármálasviðs en vinnur þvert á svið sveitarfélagsins.

Helstu verkefni og ábyrgð:

• Verkefnastjórn umbreytingaverkefna hjá sveitarfélaginu á sviði stafrænnar þróunar
• Innleiðing nýrra tæknilausna hjá sveitarfélaginu
• Ábyrgð á upplýsingaöryggi
• Greining á möguleikum tækifærum, endurskoðun ferla og verklags
• Leiða þverfagleg verkefnateymi
• Greining á þörfum íbúa/notenda
• Áætlanagerð og greining gagna
• Fræðsla og aðstoð til starfsmanna í nýtingu stafrænna lausna
• Fylgja eftir og miðla sjónarmiðum sveitarfélagsins á sviði upplýsingatækni
• Kerfisstjórn á ýmis kerfi sem eru í notkun í stjórnsýslu sveitarfélagsins
• Samskipti við þjónustuaðila í stafrænum lausnum

Þekkingar- og hæfnikröfur:

• Háskólamenntun sem nýtist í starfi
• Farsæl reynsla af verkefnum sem falla að starfinu
• Framúrskarandi færni í mannlegum samskiptum
• Skipulagsfærni, sjálfstæði í vinnubrögðum og frumkvæði
• Framúrskarandi tölvukunnátta og þekking á upplýsingatækni
• Hæfni í þverfaglegu samstarfi
• Þekking á opinberri stjórnsýslu er kostur
• Þekking og reynsla af rekstri og áætlanagerð kostur
• Gott vald á íslensku og ensku í ræðu og riti.

Nánari upplýsingar hér