Spennandi nýsköpunarverkefni fyrir háskólanema í sumar

Við leitum að metnaðarfullum háskólanemendum í nýsköpunarverkefni á sviði hringrásarhagkerfisins í sumar. Verkefnin eru á vegum SSNV og unnin í samstarfi við Gagnaver Etix á Blönduósi. Um er að ræða 2 verkefni.

Verkefni 1: Verkefnið felst í að skilgreina lykileiginleika glatvarmans sem myndast í gagnaveri Etix á Blönduósi með það að markmiði að nýta glatvarmann í staðbundna matvælaframleiðslu.

Menntunar- og hæfniskröfur: Góð samskiptahæfni, sjálfstæð vinnubrögð, þekking á sviði varmafræði, reynsla af gagnaöflun og greiningu gagna, áhugi á hringrásarhagkerfinu.

Verkefni 2: Verkefnið felst í að greina matvælaþörf á Norðurlandi vestra með það að markmiði að nýta glatvarma til matvælaframleiðslu til að draga úr neyslubundnu kolefnisspori svæðisins.

Menntunar- og hæfniskröfur: Góð samskiptahæfni, sjálfstæð vinnubrögð, reynsla af gagnaöflun og greiningu gagna, áhugi á hringrásarhagkerfinu.

Gert er ráð fyrir því að nemendurnir dvelji a.m.k. hluta af ráðningartímans á Blönduósi.

Umsóknarfrestur er til og með 10. júní. Umsóknum sem innihalda kynningarbréf og ferilskrá skal skilað á ssnv@ssnv.is

Nánari upplýsingar veitir Magnús Jónsson, verkefnisstjóri fjárfestinga, magnus@ssnv.is