Opið fyrir umsóknir í Lóu - nýsköpunarstyrkir fyrir landsbyggðina

Opið er fyrir umsóknir í Lóuna og er umsóknarfrestur til 27. mars 2023. Áherslur Lóu nýsköpunarstyrkja árið 2023 eru verkefni sem komin eru af byrjunarstigi og tengjast samfélagslegum áskorunum á borð við loftslagsmál, sjálfbærni í heilbrigðis- og menntamálum og sjálfbærni í matvælaframleiðslu.

Hlutverk styrkjanna er:

• Auka við nýsköpun á landsbyggðinni og styðja við eflingu byggða og landshluta með nýskapandi verkefnum.
• Styðja við atvinnulíf og verðmætasköpun sem byggir á hugviti, þekkingu og nýrri færni.
• Stuðla að uppbyggingu vistkerfis fyrir nýsköpunarstarfsemi og frumkvöðlastarf á forsendum svæðanna.

Styrkjum er úthlutað til árs í senn, hvert verkefni getur hlotið að hámarki 20% af heildarúthlutun hvers árs. Í Lóupottinum í ár eru 100 milljónir kr. Mótframlag frá umsækjanda þarf að lágmarki að vera 30%.

Nánari upplýsingar og umsóknarform er að finna hér.

Umsækjendur eru hvattir til að kynna sér vel handbók og reglugerð Lóu.

Ráðgjafar SSNV veita gjaldfrjálsa ráðgjöf á sviði nýsköpunar og aðstoða við yfirlestur á umsóknum.  

Munum að það eykur líkur á góðri umsókn að gefa sér góðan tíma i umsóknarskrifin!