Lögfræðingur á skrifstofu framkvæmdar og eftirfylgni - starf án staðsetningar

Það skiptir okkur engu máli hvort eða hvaða sjónvarpssería kveikti áhuga þinn á lögfræði. Það eina sem við viljum vera viss um er að við fáum í hópinn frábæran lögfræðing sem langar að verða hluti af öflugri liðsheild í nýju ráðuneyti. Við leitum að manneskju  sem býr yfir þeim eiginleikum að vera hvoru tveggja í senn; hugmyndarík og nákvæm - lausnamiðuð en um leið föst fyrir. Nokkurs konar stálhnefi í silkihanska.

Hér munu gefast ótal tækifæri til að móta og skapa framtíðina í ráðuneyti sem ætlar sér að vera leiðandi í verkefnamiðuðu og árangursdrifnu vinnulagi.  

Helstu verkefni og ábyrgð

• Lögfræðingur á skrifstofu framkvæmdar og eftirfylgni
• Samskipti við þingnefndir og ríkisaðila
• Samskipti við hagaðila á málefnasviðum ráðuneytisins
• Samningagerð
• Gerð umsagna og svör við fyrirspurnum.
• Framkvæmd fjárlaga
• Gerð lagafrumvarpa og reglugerða
• Þátttaka í teymisvinnu innan ráðuneytisins

Hæfniskröfur

• Meistarapróf í lögfræði
• Þekking og reynsla á sviði opinberrar stjórnsýslu er kostur
• Þekking á málefnasviðum ráðuneytisins er kostur
• Mjög gott vald á íslensku og ensku í ræðu og riti, gott vald á Norðurlandamáli er kostur
• Hæfni til að miðla upplýsingum á skýran og greinargóðan hátt 
• Geta til að vinna undir álagi, þrautseigja og aðlögunarhæfni  
• Frumkvæði, ábyrgð og sveigjanleiki eru mikilvæg
• Mjög góð samskiptahæfni, þjónustulund og jákvæðni.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Hlutverk háskóla-, iðnaðar- og nýsköpunarráðuneytisins er að leiða saman það afl sem býr í háskólastarfi, vísindum, nýsköpun, iðnaði, fjarskiptum og upplýsingatækni og stuðla þannig að því að hugvitið verði stærsta útflutningsgrein þjóðarinnar.  

Um er að ræða fullt starf lögfræðings á skrifstofu framkvæmdar og eftirfylgni. Æskilegt er að viðkomandi geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019 um auglýsingar á lausum störfum.  

Nánari upplýsingar veitir Ari Sigurðsson, skrifstofustjóri skrifstofu framkvæmdar og eftirfylgni, ari.sigurdsson@hvin.is. 

Með umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið.  

Athygli er vakin á því að samkvæmt 7. gr. upplýsingalaga nr. 140/2012 er ráðuneytinu¿skylt að veita upplýsingar um nöfn og starfsheiti umsækjenda um starf þegar umsóknarfrestur er liðinn verði eftir því leitað. 

Ráðuneytið leggur áherslu á jafnrétti og hvetur öll áhugasöm til að sækja um starfið.  

Ráðuneytið er jákvætt fyrir störfum óháð staðsetningu. 

Starfshlutfall er 100%

Umsóknarfrestur er til og með 26.09.2022

Nánari upplýsingar veitir

Ari Sigurðsson - ari.sigurdsson@hvin.is

Smelltu hér til að sækja um starfið