Hjúkrunarfræðingur á HSN Sauðárkróki
19.08.2022
Heilbrigðisstofnun Norðurlands (HSN) á Sauðárkróki óskar eftir hjúkrunarfræðingum til starfa á hjúkrunarsviði. Æskilegt er að viðkomandi geti hafið störf sem fyrst eða eftir nánara samkomulagi. Einnig kemur til greina að ráða í lotur eða til skemmri tíma sé þess óskað.
Húsnæði í boði.
Helstu verkefni og ábyrgð
Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar.
Hæfniskröfur
- Fullgilt hjúkrunarpróf og íslenskt starfsleyfi
- Frumkvæði og sjálfstæði í vinnubrögðum
- Jákvæðni og sveigjanleiki
- Starfsreynsla í hjúkrun er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sauðárkrókur er í 290 km fjarlægð frá Reykjavík og er hluti af Sveitarfélaginu Skagafirði. Í Skagafirði búa rúmlega 4000 manns, þar af um 2600 manns á Sauðárkróki. Öflugir leik- og grunnskólar eru á svæðinu. Fjölbrautaskóli Norðurlands vestra er á Sauðárkróki, þar er boðið upp bóknámsbrautir en auk þess er einnig í boði hestabraut, rafiðnir, húsasmíði, húsgagnasmíði, málmiðnir, kvikmyndabraut, sjúkraliðanám og starfsbraut. Háskólinn á Hólum er í Sveitarfélaginu Skagafirði.
Fjölbreytt íþróttalíf er í bænum, flottur golfvöllur, glæsilegt skíðasvæði, tvær líkamsræktarstöðvar, sundlaug, hestamennska er vinsæl og náttúran allt um kring með ótal möguleikum til útivistar. Sauðárkrókur er góður búsetukostur fyrir fjölskyldufólk sem og aðra.
Öllum umsóknum verður svarað. Áskilinn er réttur til að hafna umsóknum ef einstaklingar uppfylla ekki framangreind skilyrði. Með umsókn skal fylgja afrit af prófskirteini, íslenskt hjúkrunarleyfi og náms- og starfsferilsskrá. Tóbaksnotkun og notkun á rafsígarettum er ekki heimil á vinnutíma innan HSN.
Gildi HSN eru: Fagmennska - samvinna - virðing.
Starfshlutfall er 50-100%
Umsóknarfrestur er til og með 01.09.2022
Nánari upplýsingar veitir
Sigurbjörg Kristr Snjólfsdóttir, Yfirhjúkrunarfræðingur HSN Sauðárkróki - sigurbjorg.kristrun.snjolfsdottir@hsn.is - 432 4220
Bryndís Lilja Hallsdóttir, Mannauðsstjóri - bryndis.lilja.hallsdottir@hsn.is - 432 4050