Skagafjarðarhafnir óska eftir einstakling í stöðu hafnarvarðar

Skagafjarðarhafnir óska eftir að ráða einstakling með ríka þjónustulund í tímabundna stöðu hafnarvarðar vegna afleysinga. Um 100% starfshlutfall er að ræða og æskilegt er að viðkomandi getið hafið störf sem fyrst og unnið út apríl 2025, með möguleika á áframhaldandi ráðningu.

Starfssvið:

Sinnir ýmsum þjónustuverkefnum hafnarvarða, s.s. að raða skipum í höfn, binda skip við bryggju, vigta sjávarafla, almenn tölvuvinna og afgreiða vatn og rafmagn til skipa. Bakvaktir, að jafnaði þriðja hverja viku.

Menntunar- og hæfniskröfur:

• 30 tonna skipstjórnarréttindi (pungapróf) og hafnsöguréttindi er kostur.
• Löggildur vigtarmaður.
• Vinnuvélaréttindi er kostur.
• Almenn færni í tölvum og geta til að tileinka sér ný forrit. Sérstaklega Microsoft forrit.
• Enskukunnátta til að sinna samskiptum við erlend skip og viðskiptavini.
• Sjálfstæði í vinnubrögðum.
• Þjónustulund, kurteisi og hæfni í mannlegum samskiptum.
• Starfsreynsla úr sjávarútvegi er kostur.

Lesið nánar um starfið hér.