Sérfræðingur í vefnaði hjá Textílmiðstöð Íslands
30.01.2025
Textílmiðstöð Íslands leitar að vefara sem hefur víðtækan áhuga á vefnaði, jafnt hefðbundnum sem starfrænum. Viðkomandi þarf að kunna hefðbundinn vefnað og hafa áhuga á stafrænum vefnaði, sem honum gefst tækifæri til að læra, en í TextílLabi Textílmiðstöðvarinnar eru tveir stafrænir vefstólar.
Starfið er mjög fjölbreytt og viðkomandi þarf að vera tilbúinn til að taka þátt í fjölbreyttum verkefnum s.s. setja upp í vefstól, miðla sinni kunnáttu, taka þátt í innlendum og erlendum samstarfsverkefnum og læra nýja hluti.
Hæfniskröfur:
Menntun á sviði textíls
Þekking og reynsla á hefðbundnum vefnaði
Samskiptafærni
Dugnaður við að kynna sér og afla sér nýrrar þekkingar
Áhugi á stafrænni tækni
Starfið er hlutastarf, sveigjanlegur vinnutími en mikilvægt að hafa í huga að álagið er mest í byrjun mánaða.
Umsóknarfrestur er til og með 2. mars 2025.