Húnabyggð óskar eftir fjármálastjóra!
13.11.2024
Sveitarfélagið Húnabyggð óskar eftir að ráða fjármálastjóra í sveitarfélag í mikilli sókn. Húnabyggð er ungt sveitarfélag sem varð til við sameiningu Húnavatnshrepps og Blönduósbæjar og nýlega gekk í gegn sameining milli Húnabyggðar og Skagabyggðar. Mikil þróun og endurskipulagning er í gangi í starfsemi sveitarfélagsins og fram undan er krefjandi vinna við að endurhanna verkferla sem snúa að fjármálum.
Fjármálastjóri er hluti af stjórnendateymi Húnabyggðar og tekur virkan þátt í stefnumótun og gerð framtíðarsýnar Húnabyggðar sem er í sífelldri þróun. Fjármálastjóri er einn af staðgenglum sveitarstjóra og starfsstöðin er á Blönduósi.
Helstu verkefni og ábyrgð
- Ábyrgð á fjármálastjórnun og fjárstýringu sveitarfélagsins
- Ábyrgð á fjárhagsáætlanagerð fyrir sveitarfélagið og stofnanir þess
- Ábyrgð á virku kostnaðareftirliti, reikningshaldi, mánaðarlegu uppgjöri og ársreikningagerð
- Yfirumsjón með bókhaldi, reikningagerð og innheimtu
- Að leiða endurhönnun fjármálaferla og sjálfvirknivæðingu
- Ábyrgð á launavinnslu, umsjón og eftirlit með kjarasamningum o.s.frv.
- Samningagerð og hagsmunagæsla fyrir hönd sveitarfélagsins bæði við opinbera aðila og einkaaðila
- Ráðgjöf við sveitarstjórn og nefndir um mál er varða fjármál og rekstur sveitarfélagsins
Menntunar- og hæfniskröfur
- Háskólamenntun í viðskiptafræði, hagfræði eða sambærilegu námi
- Framhaldsmenntun á sviði fjármála- og/eða endurskoðunar æskileg
- Þekking og reynsla af fjármálum, rekstri og áætlanagerð
- Hæfni í greiningu og framsetningu tölulegra gagna
- Þekking og reynsla af notkun stafrænna lausna og sjálfvirkni í fjármálastjórnun
- Þekking og reynsla af samningagerð
- Sjálfstæði í starfi, nákvæm og öguð vinnubrögð
- Leiðtogahæfni, frumkvæði, sveigjanleiki og drifkraftur
- Góð samstarfs- og samskiptahæfni og áhugi á að vinna í teymum
- Þekking á málefnum sveitarfélaga og opinberri stjórnsýslu er kostur
- Reynsla af breytingastjórnun og stöðugum umbótum
- Góð færni í íslensku og ensku, færni til að setja fram mál í ræðu og riti