Plast! - Fróðleiksmoli um umhverfismál

Plast er í grunninn búið til úr olíu og því er afar mikilvægt að það endi ekki úti í náttúrunni með tilheyrandi mengun. 

Það er allra hagur að plastið sé flokkað frá öðrum úrgangi svo hægt sé að nýta það sem endurvinnsluhráefni. Sumt plast fer í efnislega endurvinnslu, annað er ekki endurvinnanlegt og fer þá í orkuvinnslu. 

Plast er flokkað í marga flokka eftir efnasamsetningu en fyrir hinn almenna neytanda er mikilvægasta skrefið að skila plasti til endurvinnslu, ítarlegri flokkun fer svo fram á endurvinnslustöðvunum.  

Almenna reglan er sú að nauðsynlegt er að hreinsa plastið áður en það fer í endurvinnslu því óhreint plast er í raun rusl og óendurvinnanlegt en hreint er endurvinnsluhráefni.